Ismet M. Hasani - Suedi

 M O R A L I - SYNIMI
 
"Morali është synim e jo veprim,
vetëm kështu njeriu është i virtytshëm"
 

Çdo njeri s’mund të bëj mirë,
Çdo njeri mund të synojë të mirën;
Shumë njerëz nuk kanë mundësi
Të ndihmojnë korrigjimin në padrejtësi.
 
Secili njeri, në shpirtin e vet,
Mund të gjykojë e të urrejë,
Të urrejë padrejtësinë e vet,
Të gjykojë padrejtësinë e të tjerëve.
 
Morali nuk është në vet aktin,
Por në synimin për të jetuar drejtë,
Në përpjekjen e vullnetit,
Në luftën për të shpëtuar.
 
Të jesh i përkryer, pa mëkate,
nuk është njerëzore;
të gabosh dhe të pendohesh,
kjo është njerëzore.
 
Sa veprime bëjmë pa dëshiruar?
Sa veprime duhet korrigjuar?
Sa veprime duhet ndryshuar?
Sa herë duhet pënduar?
 
A kemi të bëj me dy botëra?
A është e para zemra?
A është e dyta natyra?
A na thotë mendja, a na duron fytyra?
 
Një synim i yni, në botën e zemrës,
A është terësisht i plotë?
Një veprim me pahir, me paqëllim,
A ngjanë në botën e natyrës?
 
Suedi, janar 2008     
Ismet M. Hasani

  F S H E H T Ë S I A   E   M E N D I M E V E

"- Jeta e njeriut i përngjanë anijës kozmike, ku prej pikënisjes çdo gjë shënohet, e më vonë ai shënim lexohet."

 "- Mendja e njeriut i përngjanë parashutës, e cila derisa rri  e mbyllur nuk shërben për asgjë, e kur ajo hapet ta shpëton jetën."

H  Y  R  J  E

Duke lexuar mendime të shumë shkrimtarëve, poetëve, filozofëve, shkenctarëve, këngëtarëve, shpiksve të mëdhenj që posedojnë njohuri dhe kuptueshmëri të thellë, i pasurova edhe mendimet e mia, në atë mënyrë që fillova edhe unë të ndertoj mendime e pastaj edhe pyetje, dhe atë pyetje të mira e mëpastaj të kërkoj përgjigjen përmes mendimeve, dhe atë mendimeve të mira.

Para se të japi mendime, i parashtrova disa prej pyetjeve në të cilat duhet dhënë përgjigjen me mendime të mira:

Pse dikush është i pafat e dikush i lumtur?

Pse dikush është gazmor e i pasur, ndërkaq dikush i mjerë dhe i varfër?

Pse dikush është frikacak dhe i pasigurt e dikush përplot besim?

Pse dikush ka shtëpi të bukur dhe luksoze e dikush, në prag të skamjës, jeton në periferi të mjeruar?

Pse dikush arrinë suksese e dikush vazhdimihst has në mossuksese?

Pse dikush është orator i shkëlqyer dhe i dëshiruar e dikuhs tejet mesatarisht pritet nga njerëzit që u drejtohet?

Pse dikush trajtohet si gjenial në punën që kryen e dikush, ndonëse me përpjekje mbinjerëzore, nuk mund të arrijë kurrfarë rezultatesh?

Pse dikujt i shkon përdore të shërohet nga e ashtuquajtura sëmundje e pashëruar e dikujt jo?

Pse gjithaq njerëz të mirë dhe besimtarë i dërmojnë vuajtjet e tmershme trupore dhe shpirtërore?

Pse gjithaq njerëz amoralë, të leqitur nga Zoti, arrijnë suksese në qëllimet e veta dhe kënaqen me shëndet të përsosur?

Pse ndonjë grua jeton në bashkëshortësi fatlume, ndersa motra e saj vuan në pafatësi?

Pse jeton njeriu dhe përse është krijuar njeriu?

A përfundon jeta e njeriut me vdekjen e tij?

Shpirti a ekziston apo nuk ekziston?

P s e …P s e… P s e…???

Athua gjenden përgjigjet e këtyre pyetjeve?

A thua gjenden mendime të mira…?

PO! Përgjigjet gjenden diku thellë në vetëdijen dhe nderdijen e njeriut, pra, të secilit prej nesh!

Dhe mbajeni gjithmonë në mend

"Asgjë nuk është e pamundur!"

" Pamundësinë apsolute e shkakton mosdija jonë relative!" dhe duhet ta dijmë se:

" Pasuria më e madhe që e kemi është mendja jonë!"

Pra, duhet të kemi guxim e t’i përdorim ligjshmëritë e mendjes, kështu që:

Në vend të errësirës, të kemi dritë;

Në vend të skamjes, të kemi pasuri;

Në vend të dhembjes, të kemi qetësi;

Në vend të merzisë, të kemi gëzim;

Në vend të mospajtimit, të kemi harmoni;

Në vend të frikës, të kemi b e s i m;

Në vend të besimeve të kota dhe mosdijes, të kemi mençuri e urtësi;

Kur t’i kemi këto duhet të mundohemi të kemi në zemër gjithë çka është e vërtetë, gjithë çka është e ndershme, gjithë çka është e drejtë, gjithë çka është e pastër, gjithë çka është e shenjtë, gjithë çka është denjë për dashuri, për lavdi, virtyt.

Ligji i jetës është ligj i besimit. Besimi është mendim i lindur në mendje.

Mos besoni në gjëra që ju shkaktojnë dëm e dhembje; besoni ne ato që ju sjellin të mira e qetësi.

Nderdija i di përgjigjet e të gjitha pyetjeve; është ndertues i trupit tuaj dhe është në gjendje të ju shërojë.

Ditë e natë thellohuni në mendime për shëndet të persosur. Çdo mendim është shkak, ndersa çdo veti është pasojë e saj.

Secili duhet t’i gjason kapitenit që drejton anijen. Vetëm urdhërat e kapitenit e çojnë anijen në liman. Prandaj edhe né duhet të japim urdhëra nderdijes sonë, e cila drejton përvojat tona.

Po qe se i ndryshoni mendimet e juaja, do të ndryshoni edhe fatin tuaj.

Po menduat mirë, e mira do t’ju pasojë, po menduat keq, e keqja, gjithashtu, do t’ju pasojë. Atëherë, pra, mendoni mirë!

Po menduat mirë, e mira do të ju pasojë!

Po menduat keq, e keqja do t’ju gjejë!

Ismet Hasani