Nga: Ismet M. Hasani, prof – Suedi

1) MËSUESI SHABAN JASHARI
 
"Me të pabeset nuk ka besë, e gjuajnë gurin e fshehin dorën;
të pabesët e kanë traditën: të vrajnë natën, e të vajtojnë ditën!"
(Mësuesi, Shaban Jashari)
 
Shaban Jashari u lind në Drenicë,
Kreu "Medresën" në Mitrovicë,
Që t’i afrohet diturisë më ngat,
Shkrim-lexim mësoi si autodidakt.
 
Pas "Medresës" së Mitrovicës,
Shërbeu si mësues i Drenicës,
Ishte ndër mësuesit e parë,
Atje i mësoi fëmijët shqiptarë.

E kishte Urdhërin prej atij Regjimit,
Më këso fjalë t’ia fillonte mësimit:
" Që tua mësoi nxënësve fjalët
t’parët e popullit i kemi sllavet!"
 
Po i urti - mësuesi Shaban,
Ç’ i thotë Regjimi ai nuk e ban,
Mësuesi Shaban i përmbahej fjalës
Që e mësoi mirë prej Hoxhë-Bajram Rezallës.
 
Mësuesi Shaban prej Prekazi,
Ua mësoi nxënësve e çdo shqiptari:
"Ç’tha Naimi, Mjeda e Migjeni
t’Parët e Popullit - Ilirët i kemi!"
 
I mësonte nxënësit me pikë e presë,
"- Me t’pabeset nuk ka besë!
e gjuajnë gurin, e fshehin dorën!"
me këso fjalë e mbante orën.
Mësuesi Shaban fliste pak
U fliste nxënësve urtë si plak:
"Të pabesët e kanë traditën
të vrajnë natën e të vajtojnë ditën!"
 
U fliste nxënësve për trimërinë,
Për Ramën, Murselin e Ahmet Delinë,
Për trimin e urtë Emin Latin,
Për Hafiz Arifin e Hysë Feratin.
 
Mësues Sahbani duke mbajtur mësim,
U fliste nxënësve me të madhin guxim,
Për shqiptarët që e ruajtën strehën,
për babë Nebihun me Tahir Mehën.
 
Për Azem Bejten, bashkë me shokë,
Për trimëreshën – dadën Shotë.
Për Prekazin dhe Galicën,
Përt Shaban Polluzhën e Mehmet Gradicën.
 
Kështu i mësonte fëmijët Shabani,
N’krejt Drenicën i dual zani:
"- Na kish` dalë një mësues i mbarë
"- Njeri i urtë dhe atdhetarë!"
 
Mësoi Shabani shumë gjenerata,
Nuk i ndante dita as nata,
muarren tituj me shkronja të arta,
Mësuesit Shaban i takoi Dekorata.
 
Hässleholm-Suedi, mars 2005
Ismet M. Hasani
e-mail: Kjo adresė e-mail-i ėshtė e mbrojtur nga spam bots, duhet tė aktivizoni Java skriptet pėr tė parė atė
 
 
Nga: Ismet M. Hasani, prof - Suedi
 
2) "BETIMI I ADEM JASHARIT"
(Me rastin e 25 vjetorit të Betimit)

Në varrimin e Tahir Mehës në Prekaz, më 15. 05. 1981, Adem Jashari,
pranë varrit të tij, u betua:
"Me Serbinë lufta nuk ka përfundua,
do të shkojmë deri në fund!"
 
Më 13 maj të tetëdhjetëenjëshit,
"Njësia Sekrete" e Sigurimit,
Mësyni Kullën e Tahirit,
Mos po e gjejnë "gafil – pahirit!"
 
Tahir Meha mbrohet për vete,
I bën ballë "Njesisë Sekrete"
Me babë Nebihin, me armë në dorë,
Shumë policë i vranë n’oborr.
 
Nuk ju trembej syri hiç
"Kjo është dhuratë për kriminelin Herleviç,
që po dërgon polici n’Prekaz,
erdhën me lufuta, po u bërën gaz!"
 
U çua në këmbë krejt Prekazi,
Po ju printe Adem Jashari,
Tha: "Tash burra mua më më n’gua:
"Tahir Mehës na me i ndihmua!"
 
Edhe këto fjalë Ademi i ka shtua:
"Nëse s’mundemi hiç me i ndihmua,
S’paku për s’vdekuri me e nderua,
Për nder t’Kombit është tuj luftua!"
 
Kështu u foli Adem Jashari,
E pat me veti babë Shabanin,
E pat Hamzën,vëllain më t’mirin
U nisem me u bashkua me Tahirin.
 
Te Tahiri nuk mund shkuan,
Në t’kartërt anët ishin t’rrethuan,
S’mund iu afruan me i dhënë "kyvet"
Luftonte Tahiri veq me babë t’vet.
 
Tahir Meha nuk u tremb hiç,
Sa pat fyshekë vrau shumë policë,
Kur ju pakësua armatimi,
Tahirit n’Kullë iu rrezikua qëndrimi.
 
Mos me i rrezikua robët e fëmijnë
E lëshoi kullën iu dual "për ledinë"
Disa policë i plandosi për tokë,
Por e qëlloi një mortajë në kokë.
 
Atëherë filloi të pikoi streha,
n’oborr t’vet, u vra Tahir Meha,
Por s’i ra n’dorë ai policisë,
S’pat ku shkon përtej pragut t’shtëpisë.
 
U dha urdhëri nga Sigurimi:
"S’bën t’i kryhet Tahirit Varrimi,
në varrim s’bën kush me ardhë,
as Prekaz, as asnjë shqiptarë!"
 
Adem Jasahi s’e respektoi urdhërin,
Policia s’mund ia ndali turrin,
Me babë Shabanin e Hamzën trim
Për Tahir Mehen shkuan n’varrim.
 
Pasi Tahirit iu krye varrimi,
E muarr fjalën Adem Trimi,
Me zë të ulët u drejtua,
Pranë varrit të Tahirit u betua.
 
U betua pranë varrit të Tahir Mehes,
U betua Ademi pranë jetës dhe vdekjes:
"- Me Serbi lufta s’ka përfundua,
dhe deri në fund kemi me shkua!"
 
Dita e 15 majit Tetëdhjetëenjë
në Histori si datë do të hyjë,
të shënohet në faqet e Historisë:
"Adem Jashari i shpalli Luftë Serbisë!"
 
Luftën ndaj Serbisë e publikoi,
N’Akademinë ushtarake Ademi shkoi,
Në "Skënderbej"-Dega n’Tiranë e vijoi
Me Grada të Larta e përfundoi.
 
Akademinë duke e vijua
Me Salih Çekajn u njohtua,
Salih Çekaj nga Deçani,
Punë të mirë me Ademin bani.

Këta dy trima e përvehtësuan taktikën,
N’zemër Serbisë ia futen frikën,
Në historinë e popullit shqiptarë
Fituan epitetin – Heronj Kombëtarë.
 
Hässleholm-Suedi 15 maj 2006
Ismet M. Hasani
----------------------------------------------------------------
 
 
Nga Ismet M Hasani, prof Suedi
 
3). "RRETHIMI I ADEM JASHARIT"
        (Më rastin e 15 vjetorit të
          Rrethimit të Adem Jasharit)

"Që Ademi nuk dorëzohet, babë Shabani
do të pushkatohet!" Por Ademi nuk ka
pranua, tha Ademi: "Punë për mua!"
(Prekaz- Drenicë, 30 dhjetor 1991)
 
Me 30 Dhjetor nëntëdhjetëenjë,
E rrethojnë Ademin me polici,
Një Ordi e rrethon shtëpinë e tij,
Kerkojnë dorëzimin e këtij djali t’ri.
 
Kërkojnë Ademi me u dorëzua,
Por Ademi nuk ka pranua,
Shumë Ademi u revoltua
Po thotë Ademi: "Punë për mua!"
 
S’i zihej Ademit vendi vend,
Ia kishin marrë babën peng,
"Që Ademi nuk dorëzohet,
babë Shabani do të pushkatohet!"
 
Rifati me Hamzën e Ademin,
Rezistencë po u bejnë prej vendit,
Kanë shkëmbye shumë të shtëna
Po vijnë Prekazi renda-renda.
 
Kur Prekazi i erdhën në ndihmë,
Vëllezërit "Jashari" muarren fuqinë,
Ua pakuan Serbëve policinë
Shumë i vranë, i lanë të shtrimë.
 
Suedi, 30 dhjetor 2006 Ismet M. Hasani